QR Code

ملک دشمن بیان پر نواز کو شرم آنی چاہیئے، جلد اڈیالہ جیل ہونگے، جہانگرین ترین

15 May 2018 15:24

لودھراں میں کارکنوں سے گفتگو کرتے ہوئے پی ٹی آئی کے سابق مرکزی رہنما کا کہنا تھا کہ ملک دشمن بیان پر نواز شریف کو شرم آنی چاہیئے، پارٹی رہنما اور کارکن جنرل الیکشن کی بھرپور تیاری کریں، تحریک انصاف کی کامیابی یقینی ہے، انشااللہ عمران خان کو وزیراعظم بنا کر دم لیں گے۔

اسلام ٹائمز۔ پاکستان تحریک انصاف کے مرکزی رہنما جہانگیر خان ترین نے کہا ہے کہ نواز شریف نے ملک دشمن بیان دے کر ثابت کیا ہے کہ اس کی اصل وفاداری پاکستان دشمن بین الاقوامی اسٹیبلشمنٹ سے ہے، نوازشریف کے بیان کی جتنی بھی مذمت کی جائے کم ہے، ملک دشمن بیان پر نواز شریف کو شرم آنی چاہیئے، مودی کی زبان بولنے والا نواز شریف جلد اڈیالہ جیل میں ہوگا، جہانگیر خان ترین نے پارٹی رہنماؤں اور کارکنوں کو ہدایت کی کہ جنرل الیکشن کی بھرپور تیاری کریں، تحریک انصاف کی کامیابی یقینی ہے، انشاءاللہ عمران خان کو وزیراعظم بنا کر دم لیں گے۔ اپنی رہائش گاہ پر پارٹی رہنماؤں اور کارکنوں سے ملاقاتیں بھی کیں، جہانگیر ترین سے پی ٹی آئی رہنما ڈاکٹر شیر محمد اعوان، نواب امان اللہ خان، میاں شفیق ارائیں، چوہدری زوار وڑائچ، طاہر خان ملیزئی، ملک آصف اعوان، حافظ صدیق ارائیں، رانا ارسلان خان، ملک شاہ نواز کلیار، چوہدری اعجاز یوسف، چوہدری نثار و دیگر نے ملاقات کی۔ حال ہی میں نون لیگ چھوڑ کر پی ٹی آئی میں شامل ہونیو الے ملک احمد نواز نے بھی جہانگیر ترین سے ملاقات کی اور سیاسی امور پر تبادلہ خیال کیا۔

خبر کا کوڈ: 724894