اسلام ٹائمز - قتل کے الزام میں گرفتار ملزم ضمانت پر رہا

فریقین میں خواتین پر تنازعہ بتایا جاتا ہے, ملزم کی گرفتاری پر اس نے ضمانت پر رہائی کی درخواست دائر کی اور عدالت نے دلائل مکمل ہونے پر ملزم کی درخواست منظور کرلی۔

اسلام ٹائمز۔ ایڈیشنل سیشن جج پشاور عظیم اللہ مشوانی نے تھانہ شرقی کی حدود میں قتل کرکے لاش قبرستان میں پھینکنے کے الزام میں گرفتار ملزم کو ضمانت پر رہا کرنے کے احکامات جاری کر دئیے ہیں۔ ملزم کی جانب سے اسفندیار خان ایڈووکیٹ نے درخواست کی پیروی کی، استغاثہ کے مطابق ملزم ابرار ساکن ستار شاہ کالونی پر الزام ہے کہ اس نے کچھ عرصہ قبل تھانہ شرقی کی حدود میں ایک شخص راحت علی شاہ کو قتل کرکے اس کی لاش شاہ شہید بابا کے قبرستان میں پھینک دی تھی، فریقین میں خواتین پر تنازعہ بتایا جاتا ہے، ملزم کی گرفتاری پر اس نے ضمانت پر رہائی کی درخواست دائر کی اور عدالت نے دلائل مکمل ہونے پر ملزم کی درخواست منظور کرلی۔