اسلام ٹائمز - خیبر پختونخوا میں اب این ٹی ایس اساتذہ بھی اپنا تبادلہ کروا سکتے ہیں

خیبر پختونخوا میں اب این ٹی ایس اساتذہ بھی اپنا تبادلہ کروا سکتے ہیں

محکمہ تعلیم کیجانب سے جاری اعلامیے کیمطابق این ٹی ایس کے ذریعے بھرتی ان اساتذہ کا تبادلہ کیا جائیگا جو کسی واقعے میں زخمی ہوئے ہوں، یا ایسی فی میل ٹیچر جو شادی کیبعد اپنے شوہر کے علاقے میں تبادلہ کروانا چاہتی ہوں، یا ایسے اساتذہ جو باہمی رضامندی سے ایک دوسرے کے سکول اپنا اپنا تبادلہ کروانا چاہتے ہوں۔

اسلام ٹائمز۔ خیبر پختونخوا حکومت کی جانب سے این ٹی ایس کے ذریعے بھرتی کئے گئے اساتذہ کے تبادلوں کے قانون میں نرمی لائی گئی ہے۔ محکمہ تعلیم کی جانب سے جاری اعلامیے کے مطابق این ٹی ایس کے ذریعے بھرتی ان اساتذہ کا تبادلہ کیا جائے گا جو کسی واقعے میں زخمی ہوئے ہوں، ایسی فی میل ٹیچر جو شادی کے بعد اپنے شوہر کے علاقے میں تبادلہ کروانا چاہتی ہوں، یا ایسے اساتذہ جو باہمی رضامندی سے ایک دوسرے کے سکول اپنا اپنا تبادلہ کروانا چاہتے ہوں۔ واضح رہے کہ این ٹی ایس کے ذریے بھرتی اساتذہ کیلئے حکومت نے سکول بیسڈ پالیسی اپنائی تھی جس کے خلاف این ٹی ایس اساتذہ نے کئی مرتبہ احتجاجی مظاہرے کئے۔ ان اساتذہ کا مطالبہ تھا کہ دیگر سرکاری اساتذہ کی طرح انہیں بھی تبادلے کا حق دیا جائے۔