اسلام ٹائمز۔ معروف مذہبی سکالر مولانا طارق جمیل کی جامعہ اشرفیہ آمد، مولانا صوفی سرور کی وفات پر تعزیت، مرحوم کی بلندی درجات کیلئے فاتحہ خوانی اور دعاء مغفرت۔ مولانا طارق جمیل نے آج جامعہ اشرفیہ کا دورہ کیا، اس موقع پر انہوں نے جامعہ اشرفیہ لاہور کے شیخ الحدیث مولانا صوفی سرور کی رہائشگاہ پر ان کے بیٹے مولانا صوفی عبدالرحمٰن، نائب مہتمم مولانا قاری ارشد عبید، حافظ اسعد عبید، مولانا مجیب الرحمٰن انقلابی سے اظہار تعزیت کرتے ہوئے کہا کہ مولانا صوفی سرور کی روشن زندگی قابل رشک اور علماء کیلئے مشعل راہ ہے، ان کی تمام زندگی اتباع شریعت اور درس و تدریس میں گزری وہ علم و عمل کے پیکر تھے۔ انہوں نے مولانا صوفی محمد سرور کے درجات کی بلندی اور لواحقین کیلئے صبر جمیل کی دعا کی۔