0
Wednesday 18 May 2011 09:09

مسلم ملکوں میں امریکا کی مقبولیت میں مزید کمی ہو گئی، سروے

مسلم ملکوں میں امریکا کی مقبولیت میں مزید کمی ہو گئی، سروے
واشنگٹن:اسلام ٹائمز۔ امریکی تھنک ٹینک کی جانب سے کرائے گئے سروے کے مطابق رواں برس مسلم ممالک میں امریکا کی مقبولیت گزشتہ سال کے مقابلے میں مزید کم ہو گئی ہے۔ پیو ریسرچ سینٹر کی جانب سے کرائے گئے سروے نتائج کے مطابق پاکستان میں امریکا کی مقبولیت گزشتہ سال 17 فی صد تھی جو کم ہو کر 11 فی صد رہ گئی ہے۔ دنیا کی سب سے زیادی آبادی والے مسلم ملک انڈونیشیا میں بھی امریکا کو پسند کرنے والوں کی تعداد 59 فی صد سے کم ہو کر 54 فی صد ہو گئی ہے جبکہ اردن اور ترکی میں بھی صورت حال مختلف نہیں۔ اردن میں امریکا کی مقبولیت 21 فیصد سے کم ہو کر 13 فی صد اور ترکی میں امریکا کو پسند کرنے والوں کی تعداد 17 فی صد سے کم ہو کر صرف 10 فی صد رہ گئی ہے۔ یہ سروے پاکستان میں امریکی آپریشن میں اسامہ کی ہلاکت سے قبل مارچ اور اپریل میں کرایا گیا تھا، جس میں پاکستان سے دو ہزار افراد اور دیگر ملکوں کے ایک ہزار افراد نے حصہ لیا۔
خبر کا کوڈ : 72713
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش