0
Wednesday 13 Jun 2018 12:54

افغانستان میں 77000 سے زائد دہشت گرد موجود ہیں، افغان آرمی

افغانستان میں 77000  سے زائد دہشت گرد موجود ہیں، افغان آرمی
اسلام ٹائمز۔ افغانستان فوج کے تربیتی یونٹ کے کمانڈر لعل جان ظہیر نے کہا ہے کہ ملک میں سرگرم دہشت گردوں کی تعداد 77500 ہے جبکہ ان میں سے 3000 دہشت گرد داعش سے منسلک ہیں۔ افغانستان میں دوسرے ممالک سے آئے ہوئے کل دہشت گردوں کی تعداد 5000 تک بتائی جا رہی ہے۔ عراق اور شام میں مسلح جتھوں کی پے در پے شکست کے بعد افغانستان کے اندر تکفیری دہشت گردوں کی تعداد میں قابل توجہ اضافہ ہوا ہے۔ گذشتہ رپورٹ میں افغان حکومت نے ملک میں سرگرم دہشت گرد گروہوں کی تعداد 20 مسلح گروپس بتائی تھی۔
 
یاد رہے گذشتہ کچھ میہنوں میں روس نے سرکاری طور پر امریکہ اور اس کے اتحادی ممالک کو شکست خوردہ دہشت گرد عناصر کو افغانستان منتقل کرنے کا ملزم ٹھرایا تھا۔ روسی ذرائع نے اعلان کیا تھا کہ افغانستان میں کچھ ناشناس ہیلی کاپٹر دہشت گردوں کی نقل و حرکت میں مصروف ہیں۔ افغانستان میں اگرچہ داعش کے دہشت گرد امریکہ اور اتحادی ممالک کے مورد حمایت ہیں لیکن طالبان سے وابستہ دہشت گردوں کی تعداد سب سے زیادہ ہے۔ یہ گروہ افغانستان کے قبیلہ نظام سے فائدہ اٹھاتے ہوئے وہیں سے نئی کھیپ بھرتی کر لیتے ہیں۔ تازہ ترین رپورٹس کے مطابق افغان طالبان نے کوہستان علاقے پر بھی قبضہ کر لیا ہے۔ طالبان کی جانب سے ہونے والے مختلف حملوں میں 32 افراد مارے جا چکے ہیں جبکہ 30 سے زائد زخمی ہیں۔ 
خبر کا کوڈ : 731444
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش