اسلام ٹائمز۔ خیبر پختونخوا کے شہر سوات میں زلزلے کے جھٹکے محسوس کئے گئے ہیں۔ تفصیلات کے مطابق سوات اور گردونواح میں زلزلے کے جھٹکے محسوس کئے گئے ہیں۔ زلزلہ پیما مرکز کے مطابق ریکٹر اسکیل پر زلزلے کی شدت 4.6 ریکارڈ کی گئی۔ زلزلہ پیما مرکز کے مطابق ریکٹر اسکیل پر زلزلے کی گہرائی 217 کلو میٹر جبکہ مرکز، کوہ ہندو کش کا پہاڑی سلسلہ تھا۔ ابتدائی اطلاعات کے مطابق زلزلے سے کسی قسم کے جانی یا مالی نقصانات کی اطلاع موصول نہیں ہوئی۔ واضح رہے کہ 28 اپریل کو بھی خیبر پختونخوا کے کئی اضلاع میں زلزلے کے جھٹکے محسوس کئے گئے تھے۔