QR Code

حالیہ دہشتگردی کے پیچھے امریکی و بھارتی ایجنٹ ہیں، سبطین سبزواری

15 Jul 2018 23:28

ایس یو سی پنجاب کے صدر کا کہنا تھا کہ ردالفساد اور نیشنل ایکشن پلان پر عملدرآمد کروایا جاتا تو ان واقعات کو روکا جا سکتا تھا، مستونگ میں بلوچستان عوامی پارٹی کے امیدوار سراج رئیسانی اور 131 سے زائد لوگوں کی شہادت قومی المیہ ہے، پوری قوم بلوچ عوام کے دکھ درد میں شریک ہے، ان شااللہ شہداء کا خون رائیگاں نہیں جائے گا۔

اسلام ٹائمز۔ شیعہ علماء کونسل پنجاب کے صدر علامہ سید سبطین حیدر سبزواری نے پشاور اور مردان کے بعد مستونگ میں ہونیوالے بم دھماکوں کی شدید مذمت کرتے ہوئے کہا ہے کہ دہشتگردی کیخلاف قوم متحد ہے، انتخابی جلسوں کے دوران شہید ہونے والوں کے لواحقین کیساتھ اظہار ہمدردی کرتے ہیں، ان واقعات سے ظاہر ہوگیا ہے کہ امریکی اور بھارتی ایجنٹ ان دھماکوں کے پیچھے ہیں، سوال یہ ہے کہ ریاستی ادارے کہاں ہیں۔ لاہور میں میڈیا سے گفتگو میں انہوں نے کہا کہ ردالفساد اور نیشنل ایکشن پلان پر عملدرآمد کروایا جاتا تو ان واقعات کو روکا جا سکتا تھا، مستونگ میں بلوچستان عوامی پارٹی کے امیدوار سراج رئیسانی اور 131 سے زائد لوگوں کی شہادت قومی المیہ ہے، پوری قوم بلوچ عوام کے دکھ درد میں شریک ہے، ان شااللہ شہداء کا خون رائیگاں نہیں جائے گا۔ ان کا کہنا تھاکہ مردان میں متحدہ مجلس عمل کے امیدوار اور سابق وفاقی وزیر محمد اکرم درانی پر حملے میں 5 افراد کی شہادت پر بھی قوم سوگوار ہے، اس سے پہلے عوامی نیشنل پارٹی کے امیدوار ہارون بلور کو پشاور میں کارنر میٹنگ کے دوران جام شہادت نوش کرنا پڑا، دہشتگردی کے یہ سب واقعات جمہوریت اور انتخابات کیخلاف سازش ہے، ذمہ دار اداروں کو اپنے فرائض کی ادائیگی میں کوتاہی نہیں برتنی چاہیے، ہمیں محتاط رہنا چاہیے۔

خبر کا کوڈ: 737916