یوم الحاق پاکستان، بھارت مخالف ریلیاں، آزادی کے حق میں نعرے

اسلام ٹائمز۔ یوم قرارداد الحاق پاکستان کے موقع پر آزادکشمیر میں بھارت مخالف ریلیاں نکالی گئیں اور آزادی کے حق میں نعرے لگائے گئے۔ جموں و کشمیر لبریشن سیل کے زیراہتمام تقریب میں سیاسی و مذہبی جماعتوں کے قائدین اور حریت رہنمائوں نے کہا کہ جب تک کشمیر پر بھارت کا غاصبانہ قبضہ ختم نہیں ہو جاتا ہماری جدوجہد جاری رہے گی۔ کوٹلی میں یوم الحاق پاکستان ریلی ڈپٹی کمشنر آفس سے نکالی گئی۔ ایم ایس ایف کی اولڈ سیکرٹریٹ ساتھراہ موڑ اور میر پور میں ضلع کچہری سے ریلیاں نکالی گئیں۔ جس کے شرکاء نے کشمیر بنے گا پاکستان، تحریک آزادی کشمیر زندہ باد، پاکستان زندہ باد، افواج پاکستان زندہ باد کے نعرے لگائے۔