QR Code

پشاور، الیکشن سکیورٹی کیلئے پولیس نے نئی روایت قائم کردی

23 Jul 2018 14:29

سی سی پی او قاضی جمیل الرحمٰن نے پولیس افسروں سے حلف لیا کہ وہ انتخابات کے دوران بلا خوف و خطر ڈیوٹی سرانجام دینگے۔

اسلام ٹائمز۔ پشاور پولیس نے انتخابات 2018ء کی سکیورٹی کیلئے نئی روایت قائم کرتے ہوئے پولیس افسران سے ایمانداری کے ساتھ دینے انجام دینے کا حلف لے لیا۔ گذشتہ روز پولیس لائن پشاور میں ایک تقریب منعقد ہوئی، جس میں سی سی پی او پشاور قاضی سمیت ایس ایس پی آپریشنز پشاور جاوید اقبال اور دیگر ایس پیز ڈی ایس پیز اور ایس ایچ اووز نے شرکت کی۔ اس دوران سی سی پی او قاضی جمیل الرحمٰن نے پولیس افسروں سے حلف لیا کہ وہ انتخابات کے دوران بلا خوف و خطر ڈیوٹی سر انجام دینگے اور وہ اپنے ذاتی مفادات کو بالائے طاق رکھ کر ایمانداری سے ڈیوٹی انجام دینگے اور وہ الیکشن کمیشن کی ہدایات پر عمل درآمد کرینگے۔

خبر کا کوڈ: 739707