گلگت بلتستان، پولیس چوکی پر فائرنگ، ۳ اہلکار جاںبحق

اسلام ٹائمز۔ کارگاں پولیس چوکی پر نامعلوم افراد کی فائرنگ سے 3 پولیس اہلکار جاں بحق جب کہ 2 دہشت گرد مارے گئے۔ نجی ٹی وی کے مطابق گلگت بلتستان میں کارگاہ پولیس چوکی پر نامعلوم افراد کی جانب سے فائرنگ کی گئی جس کے نتیجے میں 3 اہلکار زخمی جب کہ پولیس کی جوابی فائرنگ میں 2 دہشتگرد مارے گئے۔ زخمی اہلکاروں کو فوری طور پر ڈسٹرکٹ ہیڈکوارٹر اسپتال منتقل کیا گیا جہاں تینوں اہلکار زخموں کی تاب نہ لاتے ہوئے جاں بحق ہو گئے۔