0
Monday 13 Aug 2018 20:50

پی ٹی آئی قیادت عمران اسماعیل کے غیر ذمہ دارانہ بیان کا نوٹس لے، مولا بخش چانڈیو

پی ٹی آئی قیادت عمران اسماعیل کے غیر ذمہ دارانہ بیان کا نوٹس لے، مولا بخش چانڈیو
اسلام ٹائمز۔ پاکستان پیپلز پارٹی نے تحریک انصاف کی قیادت سے عمران اسماعیل کے غیر ذمہ دارانہ بیان کا نوٹس لینے کا مطالبہ کر دیا۔ نجی ٹی وی کے مطابق رہنما پیپلز پارٹی مولا بخش چانڈیو نے پی ٹی آئی کی جانب سے نامزد گورنر عمران اسماعیل کے بیان پر ردعمل دیتے ہوئے کہا ہے کہ عمران اسماعیل نے ابھی حلف لیا نہیں ہے اور دیگر جماعتوں کے خلاف بغض ظاہر کرنا شروع کردیا ہے، بلاول ہاؤس ایک گھر نہیں کروڑوں لوگوں کی محبت کا مرکز ہے، نامزد گورنر شوق پورا کرکے دیکھ لیں، انہیں اپنے وزن کا معلوم ہوجائے گا، ایسے بیانات سہاروں پر بننے والی حکومت کو فائدہ نہیں نقصان دینگے، تحریک انصاف کی قیادت نامزد گورنر کے غیر ذمہ دارانہ بیان کا نوٹس لے۔ انہوں نے کہا کہ گورنر پورے صوبے کا ہوتا ہے، ذمہ داری کا مظاہرہ کرنا چاہیئے، عمران اسماعیل کو اس بیان پر معافی مانگنی چاہیئے۔ واضح رہے پی ٹی آئی کی جانب سے نامزد گورنر سندھ عمران اسماعیل نے کہا تھا کہ اقتدار میں آنے کے بعد بلاول ہاؤس کی غیر قانونی دیواریں گرا دیں گے۔
 
خبر کا کوڈ : 744416
رائے ارسال کرنا
آپ کا نام

آپکا ایمیل ایڈریس
آپکی رائے

منتخب