اسلام ٹائمز۔ اسپیکر آزاد کشمیر اسمبلی شاہ غلام قادر نے کہا ہے کہ آج دنیا بھر میں ریاست کے عوام بھارت کے یوم آزادی کو یوم سیاہ کے طور پر منا کر اپنی نفرت کا اظہار کر رہے ہیں تاکہ اقوام عالم کو باور کرایا جا سکے کہ بھارت نے مقبوضہ کشمیر پر غاصبانہ قبضہ کر رکھا ہے، کشمیری عوام بھارتی حکمرانوں کی انسان دشمن پالیسیوں سے نفرت کرتے ہیں، اقوام متحدہ کو مسئلہ کشمیر کے حل کیلئے جاندار موقف اپنانے کی ضرورت ہے، جب تک بھارتی افواج کا قبضہ ختم نہیں ہو جاتا مقبوضہ کشمیر کے عوام آزادی کی جدوجہد جاری رکھیں گے۔