اسلام ٹائمز۔ پنجاب اسمبلی میں کیفے ٹیریا میں نماز کیلئے بنائی گئی مخصوص جگہ سے مسلم لیگ (ن) کے رکن صوبائی اسمبلی مولانا الیاس چنیوٹی کا جوتا چوری ہو گیا۔ مولانا الیاس چنیوٹی نماز کی ادائیگی کے بعد باہر آئے تو ان کا جوتا غائب تھا، جس پر انہوں نے اسمبلی سیکرٹریٹ کے ملازمین سے جوتا مانگ کر اسمبلی کے اجلاس میں شرکت کی۔ ایوان میں پہنچ کر مولانا الیاس چنیوٹی نے اسپیکر پرویز الٰہی کو مخاطب کرتے ہوئے پاکستان تحریک انصاف پر طنز کیا کہ "اسپیکر صاحب، تبدیلی آ گئی ہے، میرا جوتا چوری ہو گیا ہے"، جس پر ایوان میں موجود ارکان نے زوردار قہقہہ لگایا۔