QR CodeQR Code

امریکی سیکریٹری خارجہ وزیراعظم عمران خان سے ملاقات کے لیے اگلے ماہ پاکستان کا دورہ کریں گے

20 Aug 2018 10:32

امریکی حکام نے پاکستان پر زور دیا تھا کہ وہ افغان جنگ ختم کرنے میں امریکا کی مدد کرے کیونکہ افغانستان میں حالیہ دہشت گرد حملے انھیں طالبان کے چند گروہوں کے ساتھ امن مذاکرات سے نہیں روک سکے۔


اسلام ٹائمز۔  امریکہ کے سیکریٹری خارجہ مائیک پومپیو نومنتخب وزیراعظم عمران خان سے ملاقات کے لیے اگلے ماہ پاکستان کا دورہ کریں گے۔ سفارتی اور سرکاری ذرائع  کے مطابق ممکنہ طور پر امریکی سیکریٹری خارجہ مائیک پومپیو وزیراعظم عمران خان سے ملاقات کے لیے ستمبر میں پاکستان کا دورہ کریں گے ، ملاقات میں دو طرفہ تعلقات اور باہمی دلچسپی کے امور پر بات چیت کی جائے گی۔ ذرائع کے مطابق مائیک پومپیو پاکستانی حکام سے ملاقات میں دو اہم معاملات پر توجہ مرکوز کرسکتے ہیں، جن میں دونوں ممالک کے مابین تعلقات کو مزید بہتر بنانا اور افغانستان میں امن کے قیام کے لیے امریکی اقدامات پر پاکستان کی حمایت حاصل کرنا شامل ہیں۔ ذرائع نے بتایا کہ مائیک پومپیو کے ہمراہ امریکی محکمہ خارجہ کی عہدیدار برائے جنوبی و وسط ایشیائی امور سفیر ایلس ویلز کے بھی پاکستان آنے کے امکانات ہیں۔ رواں ہفتے کے اوائل میں امریکی حکام نے پاکستان پر زور دیا تھا کہ وہ افغان جنگ ختم کرنے میں امریکا کی مدد کرے کیونکہ افغانستان میں حالیہ دہشت گرد حملے انھیں طالبان کے چند گروہوں کے ساتھ امن مذاکرات سے نہیں روک سکے۔
 


خبر کا کوڈ: 745507

خبر کا ایڈریس :
https://www.islamtimes.org/ur/news/745507/امریکی-سیکریٹری-خارجہ-وزیراعظم-عمران-خان-سے-ملاقات-کے-لیے-اگلے-ماہ-پاکستان-کا-دورہ-کریں-گے

اسلام ٹائمز
  https://www.islamtimes.org