سندھ میں ایسی کارکردگی دکھائیں گے کہ اگلے وزیراعظم بلاول ہونگے، وزیراعلٰی سندھ

اسلام ٹائمز۔ وزیراعلٰی سندھ مراد علی شاہ کا کہنا ہے سندھ کے لوگوں نے پیپلز پارٹی کو ووٹ دیا، ہمارا فرض ہے ووٹ دینے والوں کی خدمت کریں، ایسی کارکردگی دکھائیں گے کہ اگلے وزیراعظم بلاول ہوں گے۔ وزیراعلٰی سندھ مراد علی شاہ نے میڈیا سے گفتگو کرتے ہوئے کہا کہ 2008ء سے 2018ء تک سندھ میں بہت بہتری آئی، سندھ کو جائز حق دینے پر عمران خان کا ساتھ دیں گے۔ انہوں نے کہا کہ عمران خان کا قوم سے خطاب مشرف جیسا تھا، اس سے فرق نہیں پڑتا کہ میں وزیراعلیٰ ہاؤس میں رہوں یا نہ رہوں۔