اسلام ٹائمز - فواد چوہدری کی آبائی علاقے میں آمد پر ڈالروں کے ہار سے استقبال

فواد چوہدری کی آبائی علاقے میں آمد پر ڈالروں کے ہار سے استقبال

فواد چوہدری نے 20 اگست کو وزیراعظم عمران خان کی کابینہ میں وفاقی وزیر اطلاعات و نشریات کی حیثیت سے حلف اٹھایا تھا۔ فواد چوہدری حالیہ انتخابات میں پی ٹی آئی کے ٹکٹ پر قومی اسمبلی کے حلقے این اے 67 جہلم ٹو سے 93 ہزار 102 ووٹ لے کر کامیاب ہوئے تھے۔

اسلام ٹائمز۔ پاکستان تحریک انصاف کے رہنما اور وفاقی وزیر اطلاعات و نشریات فواد چوہدری کے وزارت سنبھالنے کے بعد آبائی علاقے میں آمد پر انہیں ڈالروں کا ہار پہنایا گیا۔ وفاقی وزیر اطلاعات و نشریات بننے کے بعد فواد چوہدری 21 اگست کو پہلی بار ضلع جہلم کی تحصیل دینہ کے علاقے لدھڑ پہنچے، اس موقع پر انہیں مقامی پی ٹی آئی رہنما چوہدری مقبول حسین جوئیہ نے ڈالروں کا ہار پہنایا۔ ذرائع کا کہنا ہے کہ ہار کی مالیت ڈیڑھ سو ڈالر ہے، فواد چوہدری نے ڈالر کا ہار پہنے اپنی تصویر سوشل میڈیا پر بھی شیئر کی ہے جس پر لوگوں کی جانب سے ملا جلا ردعمل دیا جا رہا ہے۔ واضح رہے کہ فواد چوہدری نے 20 اگست کو وزیراعظم عمران خان کی کابینہ میں وفاقی وزیر اطلاعات و نشریات کی حیثیت سے حلف اٹھایا تھا۔ فواد چوہدری حالیہ انتخابات میں پی ٹی آئی کے ٹکٹ پر قومی اسمبلی کے حلقے این اے 67 جہلم ٹو سے 93 ہزار 102 ووٹ لے کر کامیاب ہوئے تھے۔