کوئٹہ، سردار یار محمد رند کی وزیراعلٰی بلوچستان جام کمال سے ملاقات

اسلام ٹائمز۔ پاکستان تحریک انصاف بلوچستان کے صوبائی صدر وپارلیمانی لیڈر سردار یار محمد رند کی وزیراعلٰی بلوچستان جام کمال سے ملاقات ہوئی۔ تفصیلات کے مطابق عید کے روز پی ٹی آئی کے صوبائی صدر ورکن صوبائی اسمبلی سردار یار محمد نے وزیراعلٰی بلوچستان میر جام کمال سے ملاقات کی اور انہیں وزیراعلٰی منتخب ہونے اور عیدالاضحٰی کی مبارکباد دی۔ ایک گھنٹے سے زائد وقت تک جاری رہنے والی ملاقات میں بلوچستان میں حکومت سازی، سیاسی وقبائلی امور پر تفصیلی بات چیت کی گئی۔