QR Code

وزیراعظم کی امیر خان جوگیزئی کو گورنر بلوچستان نامزد کرنے کی تردید

26 Aug 2018 14:35

ترجمان وزیراعظم ہاؤس کی جانب سے جاری بیان میں کہا گیا ہے کہ امیر محمد خان جوگیزئی کو گورنر بلوچستان بنائے جانے کی خبر میں صداقت نہیں، امیر محمد خان کو گورنر بلوچستان کا عہدہ دیا جانا تجویز تھی حتمی فیصلہ نہیں، تاہم بعض شواہد کی بناء پر اس تجویز پر مزید کوئی پیش رفت نہیں ہوئی۔

اسلام ٹائمز۔ ترجمان وزیراعظم ہاؤس کا کہنا ہے کہ امیر محمد خان جوگیزئی کو گورنر بلوچستان بنائے جانے کی خبر میں صداقت نہیں۔ تفصیلات کے مطابق ترجمان وزیراعظم ہاؤس کی جانب سے جاری بیان میں کہا گیا ہے کہ امیر محمد خان جوگیزئی کو گورنر بلوچستان بنائے جانے کی خبر میں صداقت نہیں، امیر محمد خان کو گورنر بلوچستان کا عہدہ دیا جانا تجویز تھی حتمی فیصلہ نہیں، تاہم بعض شواہد کی بناء پر اس تجویز پر مزید کوئی پیش رفت نہیں ہوئی۔ واضح رہے کہ گزشتہ روز وزیراعظم عمران خان نے ڈاکٹر امیر محمد خان جوگزئی کو گورنر بلوچستان نامزد کردیا تھا، تاہم نیب میں جاری انکوائری کے باعث ان کی نامزدگی پر سوال اٹھنا شروع ہوگئے تھے۔ ڈاکٹر امیر جوگزئی کیخلاف نیب کی تحقیقات جاری ہیں، ان پر کڈنی سینٹر کوئٹہ کیلئے زائد قیمت پر مشینری خریدنے کا الزام ہے جب کہ ان کیخلاف 2015ء میں کیس دائر ہوا۔ نیب ذرائع کا کہنا ہے کہ ڈاکٹر امیر محمد جوگیزئی کے خلاف ایک یا دو ماہ میں ریفرنس دائر کردیا جائے گا۔

خبر کا کوڈ: 746292