اسلام ٹائمز - امریکہ عمران خان کی حکومت کو ناکام بنانا چاہتا ہے، نذیر چوہان

امریکہ عمران خان کی حکومت کو ناکام بنانا چاہتا ہے، نذیر چوہان

لاہور میں صحافیوں سے غیر رسمی گفتگو میں وزیر اطلاعات پنجاب کا کہنا تھا کہ امریکہ کو تابعدار وزیراعظم وارا کھاتا ہے، نئی حکومت امریکہ نواز خارجہ پالیسی تبدیل کرے، طرز حکمرانی میں تبدیلی نظر آرہی ہے، اپوزیشن ملک و عوام کی خاطر نئی حکومت کا ساتھ دے۔

اسلام ٹائمز۔ وزیر اطلاعات پنجاب نذیر چوہان نے لاہور میں صحافیوں سے غیر رسمی گفتگو کرتے ہوئے کہا کہ امریکہ کو نو مور کہنے کا وقت آگیا ہے، سادگی و کفایت شعاری کی حکومتی پالیسی لائق تحسین ہے، صوابدیدی فنڈز اور وزراء کے بیرون ملک علاج پر پابندی خوش آئند ہے۔ انہوں نے کہا کہ قوم لوٹی ہوئی دولت کی واپسی چاہتی ہے، نواز شریف نے صوابدیدی فنڈز کے اربوں روپے درباریوں میں تقسیم کئے، نئی حکومت کے راستے میں رکاوٹیں کھڑی کرنا ملک و قوم سے دشمنی ہے۔ انہوں نے کہا کہ نئی حکومت نے آتے ہی عوام دوست فیصلے کرنا شروع کر دیئے ہیں۔ امریکہ عمران خان کی حکومت کو ناکام بنانا چاہتا ہے، امریکہ کو تابعدار وزیراعظم وارا کھاتا ہے، نئی حکومت امریکہ نواز خارجہ پالیسی تبدیل کرے، طرز حکمرانی میں تبدیلی نظر آرہی ہے، اپوزیشن ملک و عوام کی خاطر نئی حکومت کا ساتھ دے۔