چیف جسٹس کی نیب تحقیقات خفیہ رکھنے کی ہدایات جاری

اسلام ٹائمز۔ چیف جسٹس پاکستان میاں ثاقب نثار نے چیئرمین نیب کو تحقیقات پبلک نہ کرنے کی ہدایات جاری کر دی ہیں۔ نیب اعلامیے کے مطابق چیف جسٹس میاں ثاقب نثار سے چیئرمین نیب جسٹس (ر) جاوید اقبال اور پراسیکیوٹر جنرل نے سپریم کورٹ میں ملاقات کی۔ ملاقات میں چیف جسٹس ثاقب نثار نے ہدایات دیتے ہوئے کہا کہ کسی بھی شخص کے خلاف تحقیقات ریفرنس دائر ہونے تک پبلک نہ کی جائیں، اس وقت تک تحقیقات کو خفیہ رکھیں، تاکہ بعد میں کسی کیلئے شرمندگی کاباعث نہ بنے۔