اسلام ٹائمز۔ پاکستان پیپلز پارٹی کے چیئرمین بلاول بھٹو زرداری و سابق صدر مملکت آصف علی زرداری نے ایران کے شہر اہواز میں فوجی پریڈ پر دہشتگرد حملے کی شدید الفاظ میں مذمت کی ہے۔ اپنے مذمتی بیان میں بلاول بھٹو زرداری اور آصف زرداری نے کہا کہ دنیا میں امن کیلئے دہشتگردی کے ناسور کو ختم کرنا ہوگا۔ چیئرمین پیپلز پارٹی نے ایرانی حکومت اور شہداء کے لواحقین سے اظہار تعزیت اور زخمیوں کی جلد صحتیابی کیلئے دعا کی۔