اسلام ٹائمز - بیروزگاری کے خاتمہ کیلئے ٹھوس اقدامات اٹھا رہے ہیں، فاروق سکندر

بیروزگاری کے خاتمہ کیلئے ٹھوس اقدامات اٹھا رہے ہیں، فاروق سکندر

دورہ پناگ، قمروٹی کے دوران مختلف وفود سے ملاقات کے دوران وزیر مال آزادکشمیر کا کہنا تھا کہ لوگوں کے مسائل ان کی دہلیز پر حل کئے جا رہے ہیں۔

اسلام ٹائمز۔ وزیر مال و بہبودآبادی آزادکشمیر سردار فاروق سکندر نے کہا ہے کہ بیروزگاری کے خاتمہ کیلئے ٹھوس اقدامات اٹھا رہے ہیں، لوگوں کے مسائل ان کی دہلیز پر حل کئے جا رہے ہیں۔ ان خیالات کا اظہار انہوں نے دورہ پناگ، قمروٹی کے دوران مختلف وفود سے ملاقات کے دوران کیا۔ انہوں نے دربار عالیہ پناگ شریف پر حاضری دی اور فاتحہ خوانی کی۔ اس موقع پر انہوں نے ملکی سلامتی، ترقی و خوشحالی اور مقبوضہ کشمیر کی آزادی کے لئے خصوصی دعا بھی کی۔ وزیر مال نے چوہدری محمد رفیق اور چوہدری محمدکبیر کی والدہ کی وفات پر ان کے گھروں میں جاکر پسماندگان سے اظہار افسوس کے بعد مرحومین کی مغفرت و بخشش اور پسماندگان کیلئے صبرجمیل کی دعا کی۔