ماہ محرم کی تقدس کے پیش نظر گلگت بلتستان میں شانٹی ڈے مارچ میں منانے کا فیصلہ

اسلام ٹائمز۔ وزیراعلٰی گلگت بلتستان کے میڈیا کوارڈینیٹر رشید ارشد کی جانب سے جاری کردہ بیان میں کہا گیا ہے کہ صوبائی حکومت نے فیصلہ کیا ہے کہ یکم اکتوبر کی بجائے آئندہ دو سالوں تک ٹوپی شانٹی ڈے دس سے پندرہ مارج کے درمیان منایا جائے گا۔ تفصیلات کے مطابق گزشتہ برس بھی ماہ مقدس محرم کی وجہ سے ٹوپی شانٹی ڈے نہیں منایا جاسکا تھا۔ اس لئے حکومت گلگت بلتستان نے فیصلہ کیا ہے کہ اس دفعہ دس سے پندرہ مارچ کے درمیان ٹوپی شانٹی ڈے منایا جائے گا اور مارچ کی انہی تاریخوں میں آئندہ سال بھی سرکاری سطح پر منایا جائے گا۔ ٹوپی شانٹی کا تہوار منانے کی وجہ سے جہاں گلگت بلتستان کی منفرد تہذیب و ثقافت کی اچھی تصویر دنیا کے سامنے اجاگر ہوتی ہے، وہیں اس تہوار کی وجہ سے کاروبار بالخصوص ٹوپی اور شانٹی کی صنعت کو فروغ حاصل ہوتا ہے۔ اس کے ساتھ ساتھ اس تہوار کی بدولت جی بی کی سیاحت کو بھی فروغ حاصل ہوتا ہے، اس لئے حکومت نے فیصلہ کیا ہے کہ اس سال بھی اور اگلے سال بھی دس سے پندرہ مارچ کے درمیان کسی تاریخ میں ٹوپی شانٹی کا تہوار شایان شان طریقے سے منایا جائے گا۔