اسلام ٹائمز۔ خیبر پختونخوا کے دارالحکومت پشاور میں پولیس نے دہشت گردی کا منصوبہ ناکام بناتے ہوئے 4 افغان دہشت گردوں کو گرفتار کرلیا ہے۔ تفصیلات کے مطابق پشاور میں پولیس نے دہشت گردی کا بڑا منصوبہ ناکام بنا دیا۔ پولیس نے کارروائی میں 4 افغان دہشت گردوں کو گرفتار کرلیا۔ پولیس ذرائع نے دعویٰ کیا ہے کہ گرفتار دہشت گردوں نے پی کے 71 میں ہونے والے ضمنی الیکشن میں تخریب کاری کا منصوبہ بنا رکھا تھا۔ پولیس کا کہنا ہے کہ گرفتار دہشت گردوں کے قبضے سے پرائما کارڈ اور اسلحہ برآمد کرلیا گیا ہے۔ دہشت گردوں کو نامعلوم مقام پر منتقل کرکے مزید تفتیش کی جا رہی ہے۔