QR Code

آزادکشمیر کے حلقہ ایل اے 18 میں بھی ضمنی انتخاب کیلئے پولنگ جاری

21 Oct 2018 11:10

یہ نشست مسلم لیگ نواز کے خان بہادر خان کے انتقال کے بعد خالی ہوئی تھی۔ پولنگ کے لئے 131 پولنگ اسٹیشن اور 246 پولنگ بوتھ بنائے گئے ہیں۔

اسلام ٹائمز۔ آزادکشمیر کےحلقہ ایل اے 18 پونچھ سدھنوتی 2 میں ضمنی انتخاب آج ہو رہے ہیں، یہ نشست مسلم لیگ نواز کے خان بہادر خان کے انتقال کے بعد خالی ہوئی تھی۔ پاکستان پیپلز پارٹی کے سردار غلام صادق، پی ٹی آئی کے سوار خان، مسلم لیگ نواز کے عامر الطاف اور مسلم کانفرنس کے کاشان مسعود کے درمیان مقابلہ ہو گا۔ الیکشن کمیشن کےمطابق پولنگ صبح 8 بجے سے شام 5 تک جاری رہے گی، جس میں 41 ہزار 658 مرد، 33 ہزار 544 خواتین ووٹرز حق رائے دہی استعمال کریں گے۔ پولنگ کے لئے 131 پولنگ اسٹیشن اور 246 پولنگ بوتھ بنائے گئے ہیں، جن میں سے 28 پولنگ اسٹیشن حساس ترین اور37 کو حساس قرار دیا گیا ہے۔ الیکشن کےدوران رینجرز کے 492 اور پولیس کے 700 سے زائد اہلکار سیکورٹی انجام دیں گے۔

خبر کا کوڈ: 756990