اسلام ٹائمز۔ تبلیغی جماعت کے رہنما حاجی عبدالوہاب کی طبیعت سنبھل گئی، میڈیکل بورڈ نے باہمی مشاورت کے بعد ان کی رپورٹس دیکھ کر انہیں گھر جانے کی اجازت دیدی۔ حاجی عبدالوہاب کو سانس اور سینے میں تکلیف کے باعث ڈاکٹرز ہسپتال داخل کروایا گیا تھا۔ حاجی عبدالوہاب 2 روز تک ہسپتال میں زیرعلاج رہے۔ ڈاکٹرز کا کہنا تھا کہ موسم کی تبدیلی کے باعث حاجی عبدالوہاب کی طبیعت خراب ہوئی تھی تاہم اب خطرے کی کوئی بات نہیں وہ روبصحت ہیں۔ ڈاکٹرز کے مطابق ان کی طبیعت میں بہتری آنے پر انہیں ہسپتال سے ڈسچارج کر دیا گیا ہے۔