0
Monday 22 Oct 2018 15:17

تحریک انصاف کی حکومت مدت پوری نہیں کرسکے گی، شاہد خاقان عباسی

تحریک انصاف کی حکومت مدت پوری نہیں کرسکے گی، شاہد خاقان عباسی
اسلام ٹائمز۔ سابق وزیراعظم شاہد خاقان عباسی کا کہنا ہے کہ عمران خان کی حکومت مقبولیت کھو چکی ہے اور ان حالات میں مجھے نہیں لگتا کہ حکومت اپنی مدت پوری کرے گی۔ لاہور میں عدالت میں پیشی کے بعد میڈٰیا سے بات کرتے ہوئے مسلم لیگ (ن) کے رہنما شاہد خاقان عباسی نے اپنے پر لگائے گئے تمام الزامات کو جھوٹا قرار دیتے ہوئے کہا کہ مجھ پر لگائے گئے الزمات بےبنیاد اور مفروضوں پر مشتمل ہیں، اداروں کا احترام لازمی ہے اور مسلم لیگ (ن) نے ہمیشہ اداروں کا احترام کیا ہے۔ شاہد خاقان عباسی کا کہنا تھا کہ عمران خان کی حکومت مقبولیت کھو چکی ہے اور موجودہ حالات میں مجھے نہیں لگتا کہ حکومت اپنی مدت پوری کرے جبکہ وزیراعظم کے خلاف تحریک عدم اعتماد لانا اپوزیشن کا آئینی حق ہوتا ہے، تاہم وزیراعظم کے خلاف عدم اعتماد کی تحریک پر کوئی مشاورت نہیں ہوئی، اس حوالے سے فیصلہ وقت آنے پر کریں گے۔ سابق وزیراعظم نے کہا کہ حکومت فیصلہ پہلے کرتی ہے اور سوچتی بعد میں ہے، گیس کی قیمت بڑھانے کی ضرورت نہیں تھی، حکومت فیصلہ پر نظرثانی کرے۔
خبر کا کوڈ : 757281
رائے ارسال کرنا
آپ کا نام

آپکا ایمیل ایڈریس
آپکی رائے

منتخب