اسلام ٹائمز - کشمیری نوجوان ایک عظیم مشن کیلئے اپنی زندگی کی ہر متاع کو قربان کررہے ہیں، یوسف نقاش

کشمیری نوجوان ایک عظیم مشن کیلئے اپنی زندگی کی ہر متاع کو قربان کررہے ہیں، یوسف نقاش

اسلامک پولیٹکل پارٹی کے چیئرمین نے کہا کہ اعلٰی تعلیم یافتہ نوجوانوں کا عسکریت پسندی کی جانب بڑھتا ہوا رحجان بھارت اور اقوام عالم کیلئے چشم کشا ہے۔

اسلام ٹائمز۔ جموں و کشمیر اسلامک پولیٹکل پارٹی کے چیئرمین محمد یوسف نقاش نے کشمیری شہداء کو خراج عقیدت ادا کرتے ہوئے کہا کہ یہ نوجوان ایک عظیم مقصد اور مشن کی آبیاری کے لئے اپنی زندگی کی ہر متاع کو قربان کررہے ہیں۔ انہوں نے کہا کہ یہ شہداء اعلٰی تعلیم یافتہ ہونے کے باوجود دنیاوی مفادات کو تج کر ہمارے مستقبل اور وطن عزیز کی آزادی کے لئے اپنی جانوں کو نچھاور کررہے ہیں۔ انہوں نے کہا کہ اعلٰی تعلیم یافتہ نوجوانوں کا عسکریت پسندی کی جانب بڑھتا ہوا رحجان بھارت اور اقوام عالم کیلئے چشم کشا ہے۔ انہوں نے کہا کہ ان کے مشن کو پایہ تکمیل تک پہنچانے کیلئے قوم کا متحد ہونا نہایت ہی ضروری ہے۔