اوٹاوا:
اسلام ٹائمز۔ کینیڈا کے وزیراعظم سٹیفن ہارپر کا کہنا ہے افغانستان اب عالمی دھشت گردی کا مرکز نہیں رہا۔ اوٹاوا سے جاری ایک بیان کے مطابق کینڈین وزیر اعظم نے افغانستان کا ایک روزہ دورہ کیا، انہوں نے کہا افغانستان میں تشدد کا خطرہ اب بھی موجود ہے، اسامہ بن لادن کی ہلاکت کے بعد یہ سمجھنا کہ دہشتگردی کا خاتمہ ہو چکا ہے غلط ہے۔ انہوں نے کہا بدقسمتی سے یہ سراب ہے۔ دنیا کو اب بھی چوکنا رہنے کی ضرورت ہے۔ وزیراعظم کے ترجمان کا کہنا ہے انہوں نے افغانستان کے صوبے قندہار میں لڑنے والے کینیڈین فوجیوں سے ملاقات بھی کی اور انہیں خراج تحسین پیش کیا۔ کینیڈا نو سال بعد افغانستان سے اپنی فوجیں واپس بلا رہا ہے۔