0
Thursday 8 Nov 2018 14:20

این اے 35 بنوں سے کاغذات نامزدگی میں حقائق چھپانے پر وزیراعظم عمران خان سے جواب طلب

این اے 35 بنوں سے کاغذات نامزدگی میں حقائق چھپانے پر وزیراعظم عمران خان سے جواب طلب
اسلام ٹائمز۔ پشاور ہائیکورٹ نے عام انتخابات میں قومی اسمبلی کے حلقہ این اے 35 بنوں سے جمع کرائے گئے کاغذات نامزدگی میں حقائق چھپانے کے معاملے پر وزیراعظم عمران خان کو نوٹس جاری کر دیا۔ پشاور ہائیکورٹ کے جسٹس اکرام اللہ خان اور جسٹس اشتیاق ابراہیم پر مشتمل دو رکنی بنچ نے قومی اسمبلی کے حلقہ این اے 35 سے پاکستان جسٹس ڈیمو کریٹک پارٹی کے امیدوار انعام اللہ خان کی درخواست پر کیس کی سماعت کی۔ درخواست گزار کے وکیل نے عدالت کو بتایا کہ وزیراعظم عمران خان نے بنوں سے حلقہ این اے 35 کے لئے جو کاغذات نامزدگی جمع کرائے، ان میں غلط بیانی کی ہے اور کاغذات نامزدگی میں اپنی بیٹی ٹیریان وائٹ کا ذکر نہیں کیا، وہ صادق اور امین نہیں رہے، وہ آرٹیکل 62 اور 63 پر پورا نہیں اترتے، حقائق چھپانے پر عدالت عمران خان کو نااہل قرار دے۔ عمران خان کی جانب سے ایڈیشنل ایڈووکیٹ جنرل رب نواز پیش ہوئے، ابتدائی دلائل کے بعد عدالت نے عمران خان کو نوٹس جاری کرتے ہوئے جواب طلب کرلیا، عدالت نے کیس کی سماعت 13 دسمبر تک ملتوی کر دی۔
خبر کا کوڈ : 760033
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش