جمال خاشقجی کے بیٹوں کا سعودی عوام کی نجات کیلئے اپنے باپ کا مشن جاری رکھنے کا عزم

مقتول صحافی کی صاحبزادیوں کا کہنا تھا کہ وہ بچپن سے ہی جانتے تھے کہ ان کے الفاظ لوگوں کو کس قدر متاثر کرسکتے ہیں۔ ان کا کہنا تھا کہ ان کے والد کے لیے یہ ضروری ہے کہ ان کے خیالات پر بحث کی جائے، جن کے لیے تصنیف، صرف ایک نوکری نہیں تھی، بلکہ ضرورت تھی۔ صاحبزادیوں کا کہنا تھا کہ ان کے الفاظ ہمارے ساتھ موجود ہیں، جس کے لیے ہم شکر گزار ہیں۔ انہوں نے بتایا کہ جمال خاشقجی نے امریکا میں ایک نئی زندگی کا آغاز کیا تھا لیکن وہ اپنے وطن سعودی عرب کے حالات پر بہت غم زدہ رہتے تھے اور وہ اپنے وطن کے لیے کبھی بھی نااُمید نہیں ہوئے۔ خیال رہے کہ سعودی عرب سے تعلق رکھنے والے صحافی جمال خاشقجی رواں برس 2 اکتوبر 2018ء کو اس وقت عالمی میڈیا کی شہ سرخیوں کی زینت بننے تھے جب وہ ترکی کے شہر استنبول میں قائم سعودی عرب کے قونصل خانے میں داخل ہوئے، لیکن واپس نہیں آئے، سعودی ولی عہد محمد بن سلمان کے حکم پر انہیں قونصل خانے میں ہی قتل کر دیا گیا۔