اسلام ٹائمز۔ بھارت کی قومی تحقیقاتی ایجنسی ’’این آئی اے‘‘ نے گذشتہ ماہ جالندھر میں گرفتار کئے گئے عسکری پسند ذاکر موسی کے چچیرے بھائی سمیت تین کشمیریوں کو چندی گڑھ کی ایک خصوصی عدالت میں پیش کیا ہے۔ عدالت نے تینوں نوجوانوں کے کیس کی اگلی تاریخ 21 دسمبر کو مقرر کی ہے۔ عدالت نے تینوں کشمیری نوجوانوں یوسف رفیق بٹ، زاہد گلزار اور محمد ادریس شاہ کو عدالتی حراست میں مسلسل رکھنے کے احکامات صادر کئے ہیں۔ عدالت نے اس کیس کی اگلی تاریخ 21 دسمبر کو طے کی ہے۔ قابل ذکر ہے کہ ان تینوں نوجوانوں کو جالندھر پولیس نے ایک تعلیمی ادارے کے ہوسٹل سے گرفتار کرلیا تھا۔