اسلام ٹائمز - فرانس میں دہشتگرد حملہ، 4 افراد زیر حراست

29سالہ حملہ آور فرانس، جرمنی اور سوئٹزرلینڈ میں تشدد اور ڈکیتی کے جرائم میں 27 بار جیل جا چکا ہے، حملہ آور کا تعلق مراکشی نژاد خاندان سے بتایا جاتا ہے۔

اسلام ٹائمز۔ فرانسیسی پراسیکیوٹر کا کہنا ہے کہ اسٹراسبرگ فائرنگ کی تحقیقات دہشت گردی کے واقعے کے طور پر کی جا رہی ہے، حملہ آور کی تلاش جاری ہے، حملہ آور مجرمانہ سرگرمیوں میں ملوث رہا ہے۔ پراسیکیوٹر کا کہنا تھا کہ حملہ آور سے تعلق رکھنے والے 4 افراد کو حراست میں لیا گیا ہے، جبکہ حملہ آور چاقو اور گن سے مسلح تھا۔ 29سالہ حملہ آور فرانس، جرمنی اور سوئٹزرلینڈ میں تشدد اور ڈکیتی کے جرائم میں 27 بار جیل جا چکا ہے، حملہ آور کا تعلق مراکشی نژاد خاندان سے بتایا جا رہا ہے۔ واضح رہے کہ فرانس کے شہر اسٹراسبرگ کی کرسمس مارکیٹ کے باہر فائرنگ کا واقعہ گذشتہ رات پیش آیا تھا۔
واقعے میں حملہ آور کی فائرنگ سے 3 افراد ہلاک اور 12 زخمی ہوئے جن میں سے 6 شدید زخمی ہیں۔