پولیس کانسٹیبل کے قتل میں ملوث خاتون کلر گرفتار

اسلام ٹائمز۔ پشاور میں پولیس کانسٹیبل کے قتل میں خاتون ملوث نکلی، محکمہ انسداد دہشت گردی نے ملزمہ کو گرفتار کرلیا۔ پشاور کے علاقے تہکال میں چار روز قبل کانسٹیبل احمد یار کو قتل کردیا گیا تھا۔ محکمہ انسداد دہشت گردی نے جدید سائنسی خطوط پر تفتیش کی اور قاتل خاتون کو گرفتار کرلیا۔ سی ٹی ڈی حکام کے مطابق گرفتار ملزمہ نگینہ سے تحقیقات جاری ہیں، قتل کی اصل وجوہات کا پتہ لگایا جارہا ہے۔