اسلام ٹائمز۔ خیبر پختونخوا کے گورنر شاہ فرمان بغیر پروٹوکول پشاور کے مصروف ترین صدر بازار گئے اور عوام میں گھل مل کر خریداری بھی کی۔ سوشل میڈیا پر جاری ویڈیو میں دیکھا جاسکتا ہے کہ ٹریک سوٹ میں ملبوس صوبائی گورنر شاہ فرمان اپنے ایک دو دوستوں کے ہمراہ پشاور کے معروف و مصروف صدر بازار میں آزادانہ گھوم رہے ہیں۔ گورنر نے صدر بازار میں جاتے جاتے کئی عام شہریوں سے مصافحہ بھی کیا، جبکہ ایک ریڑھی والے عام دکاندار کے پاس رُک کر خریداری بھی کی۔ بتایا جاتا ہے کہ شاہ فرمان بغیر پروٹوکول پشاور صدر بازار میں گئے۔