0
Wednesday 9 Jan 2019 12:48

وزیراعلٰی کا حیات آباد میڈیکل کمپلیکس کا اچانک دورہ

وزیراعلٰی کا حیات آباد میڈیکل کمپلیکس کا اچانک دورہ
اسلام ٹائمز۔ وزیراعلٰی خیبر پختونخوا محمود خان نے حیات آباد میڈیکل کمپلیکس کا اچانک دورہ کیا۔ انہوں نے کمپلیکس کے مختلف شعبہ جات کا معائنہ کیا اور مریضوں کو طبی سہولیات کی فراہمی کے عمل کا جائزہ لیا۔ وزیراعلٰی نے اس موقع پر ڈاکٹرز اور دیگر عملے کی عدم موجودگی پر برہمی کا اظہار کیا اور غیر حاضر ڈاکٹر اور دیگر عملے کو فوری طور پر برطرف کرنے کی ہدایت کی۔ صوبائی حکومت کے ترجمان اجمل خان وزیر، ضلع ناظم پشاور ارباب عاصم اور دیگر بھی وزیراعلٰی کے ہمراہ تھے۔ وزیراعلٰی نے کمپلیکس کے میڈیکل وارڈ، ایمرجنسی وارڈ، ایم آر آئی اور دیگر شعبوں کا معائنہ کیا۔ لوگوں سے ملے اور اُن کے مسائل دریافت کئے۔ انہوں نے خصوصی طور پر پرچی سسٹم اور ادویات کی فراہمی کے طریقہ کار کا جائزہ بھی لیا۔ وزیراعلٰی نے ہسپتال انتظامیہ کو ہدایت کی کہ مریضوں کیلئے زیادہ سے زیادہ آسانیاں پیدا کی جائیں، ڈاکٹرز اور دیگر عملے کی ہر وقت دستیابی یقینی بنائی جائے، اس سلسلے میں غفلت ناقابل برداشت ہوگی اور غفلت کے مرتکب اہلکاروں کو نشان عبرت بنایا جائے گا۔ وزیراعلٰی نے واضح کیا کہ حکومت وسائل خرچ کرتی ہے تو اس کا فائدہ بھی عام آدمی کو ملنا چاہیئے۔
خبر کا کوڈ : 771098
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش