QR Code

صدر مملکت ڈاکٹر عارف علوی سے بلتستان یونیورسٹی کے طلباء کی ملاقات

10 Jan 2019 19:16

ڈاکٹر عارف علوی نے طلباء سے گفتگو کرتے ہوئے کہا کہ گلگت بلتستان خوبصورت اور اہم ترین علاقہ ہے، جامعات طلبہ کو نئے ابھرنے والے مواقع سے فائدہ اٹھانے کے قابل بنائیں۔

اسلام ٹائمز۔ صدر مملکت ڈاکٹر عارف علوی سے بلتستان یونیورسٹی کے طلباء کے وفد نے ایوان صدر میں ملاقات کی، وفد نے بلتستان میں تعلیمی صورتحال اور یونیورسٹی کے مسائل سے آگاہ کیا، طلباء سے گفتگو کرتے ہوئے ڈاکٹر عارف علوی نے کہا کہ پاکستان کی ترقی کا راز معیاری تعلیم اور صحت کی سہولیات کی فراہمی میں پوشیدہ ہے اور لوگوں کو غربت سے نکالنے کا بہترین طریقہ بھی یہی ہے۔ صدر نے طلباء کا خیر مقدم کرتے ہوئے کہا کہ گلگت بلتستان خوبصورت اور اہم ترین علاقہ ہے۔ جامعات طلبہ کو نئے ابھرنے والے مواقع سے فائدہ اٹھانے کے قابل بنائیں۔ انہوں نے کہا کہ مصنوعی ذہانت وقت کی اہم ترین ضرورت ہے۔ طلبہ اور جامعات اس پر عبور حاصل کرنے پر توجہ دیں۔ انہوں نے کہا کہ کراچی میں صدارتی اقدام برائے مصنوعی ذہانت کا اجرا کر دیا گیا ہے۔ اسے جلد دوسرے شہروں میں بھی شروع کیا جائے گا۔ انہوں نے کہا کہ اگلے پانچ سال میں اس شعبے کی برآمدات کو کئی گنا بڑھایا جاسکتا ہے۔

خبر کا کوڈ: 771376