کرگل بارڈر کی واگزاری اور آئینی حقوق کے بابت ڈی جی آئی ایس پی آر کا بیان امید افزاء ہے، اسلامی تحریک پاکستان

سید اکبر شاہ نے مزید کہا کہ FIfth Genration War کو علماء اپنے جمعوں کے خطبوں میں بیان کرکے عوام خاص طور نوجوانوں میں شعور پیدا کریں اور دشمن کے تمام ناپاک عزائم کو خاک میں ملانے کے لئے کردار ادا کریں۔ انہوں نے کہا کہ گلگت بلتستان کو آئینی دائرے میں لانا ناگزیر ہے کیونکہ یہاں کے عوام کو حقوق نہ ملنے کی وجہ سے بے چینی اور احساس محرومی میں اضافہ ہوا ہے۔ اس لئے اب وقت آیا ہے کہ جی بی کو بھی مملکت خداداد پاکستان کا آئینی صوبہ بناکر یہاں کے عوام میں پائی جانے والے احساس محرومیوں کو ختم کیا جائے۔ انہوں نے مزید کہا کہ اسلامی تحریک پاکستان نے اپنی سیاسی بصیرت اور قائد علامہ ساجد علی نقوی کی سربراہی میں دشمن کی فرقہ وارانہ سازش کو ہمیشہ کے لئے دفن کرکے قوم و ملت کو بچانے میں بنیادی کردار ادا کیا ہے۔