اسلام ٹائمز۔ قبائلی ضلع مہمند میں بارودی سرنگ کا دھماکہ ہوا ہے جس کے نتیجے میں ایک ایف سی اہلکار جاں بحق جبکہ دوسرا زخمی ہوگیا۔ سکیورٹی زرائع کے مطابق دھماکہ بدھ کی صبح تحصیل صافی کے علاقہ گربز بیان خیل علاقے میں بم ڈسپوزل سکواڈ کی پیدل ٹیم پر ہوا۔ دھماکہ میں جاں بحق اور زخمی اہلکار کو مامد گٹ ہسپتال منتقل کردیا گیا ہے۔ دھماکے کے بعد سکیورٹی فورسز نے علاقے کو گھیرے میں لے کر سرچ آپریشن شروع کردیا۔