کوہستان، پاک فوج کا ریسکیو آپریشن، 3 روز سے پھنسے مسافر محفوظ مقام پر منتقل

اسلام ٹائمز۔ پاک فوج نے کوہستان میں 72 گھنٹے سے پھنسے ہوئے سات مسافروں کو خصوصی آپریشن کے ذریعے ہیلی کاپٹر کی مدد سے محفوظ مقام پر منتقل کر دیا، آئی ایس پی آر ریجنل آفس گلگت کے مطابق ڈپٹی کمشنر کوہستان نے ریسکیو آپریشن کی درخواست کی تھی، جس کے بعد پاک فوج نے فوری کارروائی کرتے ہوئے تین روز سے پھنسے افراد کو ہیلی کاپٹر کے ذریعے پٹن منتقل کر دیا۔ واضح رہے کہ کوہستان داسو میں کئی مسافر شدید برفباری اور لینڈ سلائیڈنگ کے بعد تین روز سے پھنسے ہوئے تھے۔