0
Saturday 16 Feb 2019 12:35

اسپین کے وزیراعظم نے 28 اپریل کو قبل از وقت انتخابات کا اعلان کر دیا

اسپین کے وزیراعظم نے 28 اپریل کو قبل از وقت انتخابات کا اعلان کر دیا
اسلام ٹائمز۔ اسپین کے وزیراعظم پیدرو سانچیز نے 28 اپریل کو قبل از وقت انتخابات کا اعلان کر دیا جس سے ملک میں جاری سیاسی اختلافات مزید بڑھنے کے امکانات ہیں۔ امریکی خبر رساں ادارے ’اے پی‘ کے مطابق اسپین کے وزیراعظم پیدرو سانچیز نے پارلیمنٹ میں بجٹ مسترد کیے جانے کے بعد انتخابات کا اعلان کیا۔ خیال رہے کہ اسپین میں اقلیتی سوشلسٹ حکومت بننے کے بعد سے 4 سال میں یہ تیسرے انتخابات ہوں گے۔ پیدرو سانچیز نے کابینہ کے ہنگامی اجلاس کے بعد مونکولا پیلس سے ایک ٹی وی پیغام میں کہا کہ ’میں نے پارلیمنٹ تحلیل کرنے کی تجویز دی ہے اور 28 اپریل کو انتخابات کروائیں جائیں گے‘۔ انہوں نے اپنے تقریر کے دوران گزشتہ 8 ماہ کے دورِ اقتدار میں اپنی کوششوں کی نشاندہی بھی کی۔ 46 سالہ وزیراعظم گزشتہ برس جون میں سابق وزیراعظم ماریانو راجوئے کے خلاف تحریک عدم اعتماد منظور ہونے کے بعد اقتدار میں آئے تھے۔ سوشلٹ، سادگی مخالف اور خطے کی نیشنلسٹ جماعتوں کی اکثریت جو  اس وقت ماریانو راجوئے کے خلاف متحد ہوئی تھیں، انہوں نے کیتالونیا کی آزادی سے متعلق علیحدگی پسند رہنماؤں سے مذاکرات ختم کرنے پر گزشتہ ہفتے پیدرو سانچیز کا ساتھ چھوڑ دیا تھا۔

پیدور سانچیز نے براہ راست کیتالونیا کا نام لیے بغیر کہا کہ انہوں نے ملک کے علاقوں سے اس وقت تک مذاکرات جاری رکھے جب تک ان کے مطالبات آئین اور قانون کے مطابق تھے۔ انہوں نے کنزرویٹو اپوزیشن کو مذاکرات کی حمایت نہ کرنے پر مورد الزام ٹھہرایا۔ اسپین کے وزیراعظم نے کہا کہ ’بدقسمتی سے گزشتہ 8 ماہ کی حکومت میں ہمیں کنزرویٹو اپوزیشن کی حمایت حاصل نہیں ہوئی، صرف حکومت کے لیے نہیں بلکہ ہسپانوی حکومت کے لیے بھی‘۔ پاپولسٹ پارٹی کے رہنما پابلو کاساڈو نے پیدرو سانچیز کی جانب سے کیتالونیا کے علیحدگی پسند افراد کے کچھ مطالبات پر اسے سوشلسٹ کی ’ہار‘ قرار دیا تھا۔ اسپین کے وزیراعظم نے کہا کہ ’ہم یہ فیصلہ کریں گے کہ کیا اسپین ان جماعتوں کے ہاتھوں یرغمال بن کے رہنا چاہتا ہے جو اسے تباہ کرنا چاہتی ہیں‘۔

یہ خیال کیا جا رہا ہے کہ اپریل کے انتخاب میں کوئی واضح طور پر کامیاب نہیں ہو سکے گا۔ رائے عامہ کے مطابق سوشلسٹ پارٹی اس وقت باقی جماعتوں سے زیادہ مقبول ہے لیکن اس کے 2 اہم مخالفین پاپولسٹ ہارٹی اور سٹیزنز پارٹی کی جانب سے جنوبی اندولسیا کے علاقے میں کیے گئے اتحاد کو دہرایا جا سکتا ہے جہاں انہوں نے ووکس پارٹی کی مدد سے سوشلسٹس کو شکست دی تھی۔
خبر کا کوڈ : 778290
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش