وزیراعظم عمران خان آج قوم سے خطاب کریں گے

اسلام ٹائمز۔ وزیراعظم عمران خان پلوامہ واقعے پر آج قوم سے خطاب کریں گے اور بھارتی دھمکیوں پر اپنا پالیسی بیان دیں گے۔ سرکاری ذرائع کے مطابق وزیراعظم سعودی ولی عہد کے دورے پر بھی قوم کو اعتماد میں لیں گے۔ گزشتہ ہفتے مقبوضہ کشمیر کے علاقے پلوامہ میں بھارتی سیکیورٹی فورسز کے قافلے پر خودکش حملہ ہوا تھا جس کے نتیجے میں کم از کم 46 سیکیورٹی اہلکار ہلاک جبکہ متعدد زخمی ہوگئے تھے، بھارت نے واقعے کا الزام پاکستان پر لگایا تھا۔