اسلام ٹائمز۔ ضلع کرم میں حالیہ شدید برفباری کے باعث مختلف علاقوں میں درجن سے زائد گھروں کی چھتیں اور دیواریں گرنے کے باعث ان کی مالی اور جانی نقصانات ہوئے ہیں، مگر حکومت اور ایف ڈی ایم اے کی جانب سے ان خاندانوں کے ساتھ کسی قسم مالی امداد نہیں کی گئی ہے اور نہ ہی کسی ذمہ دار نے متاثرین کے ساتھ کسی قسم رابطہ کیا ہے، حالانکہ وزیر اعلی خیبرپختونخوا نے اس سلسلے میں واضح ہدایات جاری کئے تھے کہ کسی بھی ہنگامی صورتحال سے نمٹنے کیلئے سول انتظامیہ ہمہ وقت تیار رہیں اور نقصان کی صورت میں متاثرہ افراد کے ساتھ فوری مالی امداد کی جائے۔