اسلام ٹائمز - کشمیر میں جو کچھ ہو رہا ہے وہ بھارت اور اسرائیل کی ملی بھگت سے ہو رہا ہے، صدر پاکستان

کشمیر میں جو کچھ ہو رہا ہے وہ بھارت اور اسرائیل کی ملی بھگت سے ہو رہا ہے، صدر پاکستان

نجی ٹی وی سے گفتگو میں ڈاکٹر عارف علوی کا کہنا تھا کہ ہم کشمیر کی آزادی کے حامی ہیں، لیکن جنگ کے خواہش مند نہیں، وزیراعظم کا بار بار بھارتی وزیراعظم مودی سے رابطہ کرنے کا مقصد بھی یہی تھا کہ دنیا کو یہ پتہ ہونا چاہیے کہ ہم جنگ کرنا نہیں چاہتے۔

اسلام ٹائمز۔ صدر مملکت ڈاکٹر عارف علوی کا کہنا ہے کہ بھارت سے جنگ کا خطرہ اب بھی موجود ہے، اگر جنگ مسلط کی گئی تو بھرپور دفاع کریں گے۔ نجی ٹی وی کے پروگرام میں گفتگو کرتے ہوئے صدر پاکستان ڈاکٹر عارف علوی کا کہنا تھا کہ جنگ کا خطرہ اب بھی موجود ہے، لیکن کشیدگی میں کمی دیکھنے میں آئی ہے، پاکستان جنگ نہیں چاہتا، تاہم اگر مسلط کی گئی تو اپنا بھرپور دفاع کریں گے۔ صدر مملکت نے کہا کہ کشمیر میں جو کچھ ہو رہا ہے وہ بھارت اور اسرائیل کی ملی بھگت سے ہو رہا ہے، ہم کشمیر کی آزادی کے حامی ہیں لیکن جنگ کے خواہش مند نہیں، وزیراعظم کا بار بار بھارتی وزیراعظم مودی سے رابطہ کرنے کا مقصد بھی یہی تھا کہ دنیا کو یہ پتہ ہونا چاہیئے کہ ہم جنگ کرنا نہیں چاہتے، ہم بتانا چاہتے تھے کہ ہم بہت کچھ کرسکتے ہیں، لیکن کر نہیں رہے، ہم نے بھارتی جہاز گرایا، پھر ان کا پائلٹ واپس بھی کر دیا، جنگ سے بچنے کے لیے ہم اس سے زیادہ اور کیا کرسکتے ہیں۔