خواتین کی معاشی و سیاسی شمولیت کے بغیر پائیدار ترقی و خوشحالی کا حصول ممکن نہیں، جام کمال خان

اسلام ٹائمز۔ گورنر بلوچستان امان اللہ یاسینزئی اور وزیراعلٰی جام کمال خان نے کہا ہے کہ آبادی کا نصف حصہ خواتین پر مشتمل ہے اور نصف حصہ کو نظر انداز کر کے ملک ترقی نہیں کر سکتا۔ خواتین کو برابر کے شہری کی حیثیت دینے کی غرض سے بلوچستان اسمبلی میں قانون سازی بھی کی گئی ہے جس میں وراثت کے قانون کے تحت خواتین کو ان کے حصے کی منتقلی کے تحفظ کا قانون بھی شامل ہے۔ خواتین کے عالمی دن کے موقع پر اپنے ایک پیغام میں گورنر بلوچستان امان اللہ یاسین زئی نے کہا کہ جدید عہد کے شعور کے مطابق عورت اور مرد سماجی، سیاسی اور اقتصادی ترقی میں مساوی حصہ رکھتے ہیں۔ خواتین کی معاشی شرکت اور سیاسی شمولیت کے بغیر پائیدار ترقی و خوشحالی کا حصول ممکن ہی نہیں ہے۔