اسلام ٹائمز۔ جمعیت علماء اسلام (ف) نے اسلام آباد میں حکومت مخالف مجوزہ دھرنے کا پلان موخر کر دیا ہے۔ اسلام آباد کے مقامی ہوٹل میں تقریب کے بعد صحافیوں سے غیر رسمی گفتگو کرتے ہوئے جے یو آئی (ف) کے سربراہ مولانا فضل الر حمن نے کہا کہ جے یو آئی یا ایم ایم اے کا اپریل میں دھرنے کا ارادہ نہیں اور نہ ہی 19 مارچ کے اجلاس کے ایجنڈے میں دھرنا شامل ہے۔ انہوں نے کہا کہ دھرنے کے معاملے پر ایم ایم اے میں اختلافات کی خبریں غلط ہیں، جب دھرنا ہماری ترجیح ہی نہیں ہے تو پھر اختلافات کہاں سے آ گئے، ہاں البتہ دھرنے کے لئے ہم خیال دوستوں سے مشاورت ضرور کی تھی، لیکن تمام دوستوں نے حکومت کو مزید وقت دینے کا مشورہ دیا تھا۔