اسلام ٹائمز۔ گورنر گلگت بلتستان نے سپریم ایپلٹ کورٹ میں چیف جج کی تقرری کی سمری وزیراعظم کو ارسال کر دی، گورنر سیکرٹریٹ کے ذرائع کے مطابق مانہسرہ سے تعلق رکھنے والے وکیل سید ارشاد حسین شاہ کو چیف جج لگانے کی سمری چیئرمین کونسل (وزیراعظم) کو بھیجی گئی ہے، امکان ظاہر کیا جا رہا ہے کہ وزیراعظم جلد منظوری دینگے، سید ارشاد کا نام نون لیگ کے دور میں بھی گردش کر رہا تھا۔ واضح رہے کہ سپریم کورٹ کے فیصلے کے مطابق گلگت بلتستان کی اعلیٰ عدالتوں میں ججز کی تقرری کیلئے جوڈیشل کمیشن بنانا ضروری ہے، لیکن ابھی تک کوئی کمشن نہیں بنایا گیا، جس کی وجہ سے قانونی ماہرین کئی سوالات اٹھا رہے ہیں۔