واہگہ بارڈر پر پرچم اتارنے کی پروقار تقریب، عوام کا جوش و خروش اور فلک شگاف نعرے

اسلام ٹائمز۔ واہگہ میں پاک بھارت سرحد پر پرچم اتارنے کی تقریب کے دوران انتہائی پرجوش مناظر دکھائی دیئے، جہاں شرکاء نے "اللہ اکبر" اور "پاکستان زندہ باد" کے نعروں سے لہو گرما دیا۔ پرچم اتارنے کی تقریب کے دوران نوجوان، بزرگ، بچوں اور خواتین کی بڑی تعداد موجود تھی جبکہ اس موقع پر پاکستان رینجرز کے کڑیل جوانوں کے ساتھ ساتھ عوام کا جوش و خروش اور فلک شگاف نعرے بےمثال تھے۔ رینجرز کی دلیرانہ انداز کی پریڈ کے دوران تقریب دیکھنے کے لئے موجود عوام اللہ اکبر اور پاکستان زندہ باد کے فلک شگاف نعرے بلند کرتے رہے۔