اسلام ٹائمز۔ جی بی حکومت نے سرکاری ملازمین کی جانب سے پرنٹ اور الیکٹرانک میڈیا پر بیان بازی کے ساتھ سوشل میڈیا پر مواد شائع کرنے پر پابندی کی سمری تیار کر لی، انتظامیہ کی جانب سے سرکاری ملازمین کے نام بہت جلد سرکلر جاری کیا جائے گا جس کے بعد ملازمین پرنٹ اور الیکٹرانک میڈیا کے ساتھ سوشل میڈیا پر کسی بھی قسم کے سرکاری، سیاسی یا دیگر نوعیت کے مواد شائع یا نشر کرنے پر پابندی ہو گی، ذرائع کے مطابق خلاف ورزی کی صورت میں تادیبی کارروائی عمل میں لائی جائے گی، سرکلر میں کسی بھی سیاسی جماعت سے وابستگی اور سیاسی مواد کی تشہیر پر سختی سے پابندی عائد کی جائے گی، سرکلر متعلقہ محکمہ کی جانب سے منظوری کیلئے مجاز اتھارٹی کو بجھوا دی گئی ہے، جلد باقاعدہ نوٹیفکیشن جاری ہونے کا امکان ہے۔